தமிழன் என்றோர் இனமுண்டு..தனியே அவர்க்கோர் குணமுண்டு..!!!

சர்வதேச பயங்கவாதி என்றழைக்கப்பட்டு, அமெரிக்காவை அச்சுறுத்திக் கொண்டிருந்த ஒசாமா பின்லாடன் அழிக்கப்பட்டதில் அமெரிக்க பெரும் நிம்மதி அடைந்திருக்கலாம்..ஆனால், ஒசாமா பின்லாடனின் பயங்கரவாத செயல்களால், பயங்கவாதிகள் என்று குற்றம் சுமத்தப்பட்ட ஒட்டுமொத்த இஸ்லாமிய சமுதாயமும் அந்த அவப்பெயர்களில் இருந்து விடுபடவும் .. அதன் காரணமாக விமான நிலையங்களிலும், ரயில் நிலையங்களிலும் எப்போதும் சந்தேகக் கண் கொண்டு பார்க்கப்படும் நிலை மாற இன்னும் எத்தனை நாளாகும் என்றும் தெரியவில்லை.

எங்கே, எந்த இடத்திலும் குண்டு வெடிப்பது போன்ற அசம்பாவித செயல்கள் நிகழ்ந்தாலும், மீடியாக்கள் , சிறிதும் சிந்திக்காமல் தமது மூளையை தனியே எடுத்து  வைத்துவிட்டு, இஸ்லாமிய தீவிரவாதம் என்று அலறுவதும், அதை செய்தவர்கள்   இஸ்லாமியர்கள் அல்ல என்று நிரூபிக்கப்பட்டாலும் அதை கண்டுகொள்ளாமல் விடும் அவலமும் என்று முடிவுக்கு வரும் என்றும் தெரியவில்லை..

இந்நிலையில், ஒசாமா கொல்லப்பட்டதற்கு சில அமைப்புகள் கண்டனம் தெரிவித்திருப்பது மிகவும் வருந்தத்தக்க செயல்கள் ஆகும்..வினை விதைத்தவன் வினை அறுப்பான் என்பதுதான் இயற்கை..ஆயுதமேந்தியவன் ஆயுதத்தாலேயே மடிந்திருக்கிறான்.

அதனால்தான் ஒசாமாவின் உடல் கூட அடக்கப்படாமால் மறைக்கப்பட்டுவிட்டது..நல்ல விசயம்தான்..

சந்தனக்கடத்தல் வீரப்பன் தமிழனல்லவா?

அதனால்தான் அவன் சுட்டுக்கொல்லப்பட்டவுடன் அவனுக்கு நினைவிடம் எழுப்பி கோயில் கட்டி கொண்டாடப்பட்டது.

அவன் மனைவியை தேர்தலில் நிற்கவைத்து சட்ட மன்ற உறுப்பினராக்கவும் முயற்ச்சி மேற்கொள்ளப்பட்டது.

பிரபாகரன் தமிழனல்லவா..

அதனால்தான் இந்தியாவில் பயங்கரவாத செயல்கள் செய்தும் இன்றும் அவனது போஸ்டர்கள் ஒட்டப்பட்டு கொண்டாடப்படுகிறது..

பிரபாகரன் பெயரில் மன்றங்கள் தைரியமாக நடத்தப்படுகின்றன.

கள்ளத்தோணியில் தீவிரவாதிகளை சந்தித்தவனேல்லாம் இன்று அரசியல் தலைவனாக மதிக்கப்படுகிறார்கள்..

அதை வைத்தே அரசியலும் செய்ய முடிகிறது..

சினிமாவில் குப்பை கொட்ட முடியாதவன் எல்லாம் பிரபாகரன் பெயரை வைத்து அரசியல் வியாபாரம் செய்ய முடிகிறது..

இலங்கை கிரிக்கெட் அணியில் ஜெயசூரிய விளையாட இந்திய வந்தால் போராட்டம் செய்வோம்..


அதே அணியில் விளையாடும் முத்தையா முரளிதரனை சாதனையாளர் என்போம்..

 
காரணம் அவர்கள் தமிழர்கள்.


தமிழன் என்ன செய்தாலும் அவன் தமிழனல்லவா .


தமிழன் என்றோர் இனமுண்டு..தனியே அவர்க்கோர் குணமுண்டு..!!!

வாழ்க தமிழ்..வெல்க தமிழ்..