கிரிக்கெட் விளையாடாமலேயே சதம் அடித்து பெண் சாதனை...

இந்த செய்தி உங்களுக்கெல்லாம் நிச்சயம் ஆச்சர்யமாக இருக்கும்..ஆனால் இது நிஜம்ங்க..
சவுத் ஆப்ரிக்கா கிரிக்கெட் அணி இந்திய சுற்றுபயணத்தின் பொது இரு அணிகளுக்கும் இடையே இரண்டாவது டெஸ்ட் போட்டி கொல்கத்தா ஈடன் கார்டன் மைதானத்தில் நடைபெற்றது..

இந்த போட்டியில் 30 பந்துக்கு அரை ரன் வீதம் எடுக்கும் வீரர் வி வி எஸ் லட்சுமணன் எப்படியோ தட்டுதடுமாறி 352 பந்துகளை சந்தித்து 143 ரன் எடுத்து விட்டார்...
கிரிக்கெட் வரலாற்றில் உலகிலேயே 16.2.2010 அன்று செவ்வாய் கிழமை, ஈடன் கார்டன் மைதானத்தில் இத்தனை ரன்கள் எடுத்து சாதனை புரிந்த ஒரே ஒருவர் இவர் மட்டும்தான்...இதற்கு முன் யாரும் இந்த நாளில் இந்த நேரத்தில் இத்தனை பந்துகளில் இத்தனை ரன்கள் எடுத்ததில்லை... பாவம் மனிதர் இவ்வளவு கஷ்டப்பட்டு எடுத்த ரன்களை தன் மனைவிக்கு அர்பணித்து விட்டார்... எவ்வளவு பெருந்தன்மை பாருங்கள்..

இப்போ எனக்கு என்ன குழப்பம்னா இந்த சதம் மனைவிக்கு அர்பணித்து விட்டால்..வி வி எஸ் லட்சுமணன் கணக்கில் வருமா...இல்லை அவரது மனைவி கணக்கில் வருமா? அவரது மனைவி கணக்கில் வந்தால் அவர் இந்திய அணியில் இல்லையே..அப்போ இந்த ரன் இந்திய அணி கணக்கில் வராதா?

அப்படி அவர் மனைவி கணக்கில் எடுத்துக்கொண்டால் விளையாடாமலேயே சதம் அடித்தது ஒரு மாபெரும் சாதனை தானே?

இப்படி சாதனை புரிந்த பெண்மணிக்கு அர்ஜுனா, பாரத ரத்னா, பத்மபூஷன், போன்ற விருதுகளை கொடுத்து (நம்ம ஜனாதிபதிக்கு வேற என்ன வேலை) கவுரவிக்க வேண்டியதுதானே...

என்ன கொடுமைடா இது..