கருணைக் கொலை வேண்டும்!..தூக்குத்தண்டனை வேண்டாம்....!!!

மும்பை மருத்துவமனை ஒன்றில் நர்சாக பணியாற்றியவர் அருணா என்கிற பெண். ஏறக்குறைய 36 ஆண்டுகள் கோமா நிலையில் படுத்த படுக்கையாக இருக்கும் அவரை கருணைக் கொலை செய்ய அனுமதி கேட்டு வந்த வழக்கை தள்ளுபடி செய்து இருக்கிறது நீதிமன்றம்..

அதோடு, அவரை கருணைக் கொலை செய்யவேண்டாம், ஆனாலும், அவரை காப்பாற்றும் முயற்ச்சியில் மருத்துவ உபகரணங்களின் உபயோகத்தை குறைத்து இயற்கையாக மரணிக்க வைக்கவேண்டும் என்பதுபோல ஒரு தீர்ப்பு..இதுவும் ஒரு கொலை போன்றதுதான்..



அருணா என்ற அந்த நர்சை, அந்த மருத்துவனமையில் பணியாற்றிய ஒரு கொடூரன், கற்பழிக்க முயற்சி செய்கிறான்..ஆனால் அந்த பெண் மாதவிடாய் பருவத்தில் இருந்ததால், அவளைக் கொடூரமான முறையில் சங்கிலியால் கட்டிவைத்து, தவறான வழியில் புணர்ந்திருக்கிறான்.

இந்த சம்பவத்தால் உடலாலும், மனதாலும் பாதிக்கப் பட்ட அந்த பெண், இன்றுவரை படுத்த படுக்கையிலேயே கோமா நிலையில் மரணத்தை எதிர்நோக்கி இருக்கிறாள்..

இவளை கருணைக் கொலை செய்வதற்கு அனுமதி கேட்கும் அமைப்புகள், இது போன்ற குற்றங்களுக்காக தூக்குத்தண்டனை விதிக்க சொல்வார்களா?

மரணதண்டனையே கூடாது என்று சொல்லும் மனித உரிமை மேதாவிகள் என்ன சொல்கின்றன?